Tuesday, March 9, 2010

Clock Tower


Pathianni inkhawm kal lam leh haw lam hian Clock Tower, Secunderabad-a mi hi kan tlan pel ziah thin a, Hyderabad Mizo te inkhawmna Biak In(Centenary Baptist Church) bul lawk a awm anih avangin Ricksaw driver nen a in dawr angaih chang pawh hian "near clock tower' tih hi kan lam ri zing thin khawp mai. Pathianni inkhawm a kan tlan pelh zin teh reng nen hian 'Clock Tower' chanchin erawh ka lo hre ngai mang hauh lo thung.

Internet lamah a chanchin kan google zuai zuai a tiang deuh hian mithiam ten an lo ziak a:- Khawvel ah hian Clock Tower an hman hmasak ber chu Tower of the Winds, Athen ami a ni awm e. (A chanchin hre chiang duh tan hetah hian click mai tur a ni e-Clock Tower history). Clock Tower an sak/siam thinna chhan hi alo ngaihnawm khawp mai. Kum zabi 12 hmalam kha chuan mi zawng zawngin sana an la nei lova, sana nei chhun chu tlem te anni awm e, kum zabi 18 hmalam ah pawh mahni In a sana kawl chu tlem te an la ni a. Tunlai angin sana neih mai mai te awlsam hek lo khawpui hmun laili lai emaw a remchang lai ah sana lian(Clock Tower) hi an siam thin a, darkar bi in a ri thin a, khawpui a mi cheng ten sana an neih vek loh avangin chumi ri mil chuan an hun an lo vawng ve mai thin a ni, thil tangkai tak a lo a ni. Sana lian chumi hun awm vel ah a lo rik chuan an tih tur hun (zing thawh hun, chaw ei hun, hnathawh hun, zanriah ei hun, mut hun etc.) an hriat theih phah thin a lo ni. Tin, khawpui a cheng ten darzat an hriat duh chuan a hmun ah an va kal chilh a an en mai thin a, sana pakhat kha mi tam tak in an hmangtangkai thin alo nih chu. Clock Tower an siam chhan hi khawpui cheimawina satliah mai mai atan alo ni lo tawp mai!

Clock Tower, Secunderabad a mi hi a chanchin ka hre thui lo khawp mai a, internet lamah lah hmuh tur avang. Ka hmuh chhun ah chuan hetiang hian an ziak: He clock tower project hi kum 1896 ah zawh ani tawh a, mahse a kum leh 1897, February 1, khan British sawrkar aiawh a ram awptu(Resident) Sir Trevor John Chichele Plowden in a a hawng tih bak chu a chanchin han chhui mai tur avang khawp mai. (He tih hunlai hi Sir Trevor-a fanu Pamela leh Winston Churchill te in ngaihzawn lai vel a ni). Engpawh nise hman leh vawiin thleng hian khawpui ti mawi tu leh mi te hlut a la hlawh reng a ni.

10 comments:

zi said...

azara zarah Clock Tower, Secunderabad te kan lo hriat phaha a lawmawm hle mai

Mahruaii said...

hyd chhuahsan hunah chuan clock tower tih ringot pawhin Biak In/sunday a ron lang nghal tawh dawn a nih hmel :)

chhangte_ll said...

An siamna rei tawh tehreng hlawm nena, British ho sana la hmanntlak hi a la awm nual. An uluk nge an thiamna a sang aw?

aduhi said...

clock tower lang hian thla lak ngei ngei bawk tur

azassk said...

zi: Ka thil ziak tlawm te i lo chhiar a ka lawm e.

Mahruaii; Nia, engtik ah emaw chuan he khawpui hi kan chhuahsan hun te ala thleng ve anga, kan la hrechhuak ve thin ngei ang.

chhangte_ll:I sawi tak ah chuan British ho thil siam tak tak hi ni e an uluk aniang ala hman tlak nual mai.

aduhi: he he, thla lak hi pawimawh tawp.

sawmpuia said...

Lei miten hunbi an chhiar e..antia ni lawm ni kha? Behliang mun hun?tih te pawh awm ve bawk em kha?

Laipuitlanga sana lian ai chuan zia deuh beisei ila :-) Hun mai bakah direction kawh hmuh tu thatak, Pathian Biak In hriatna remchang tak a ni bawk a. Ngawi rengin chanchin tha a lo hril ve reng a nih chu :-) A battery te hi chu MPGSU lamin tum ve ta mai ila :-)

azassk said...

sawmpuia: Lei miten hun bi an chhiar ngei a lo nih hi! Mizoram ah chuan Aizawl a Salvation Army ho Temple, Tuikual ami khi Clock Tower chu ni chiah lo mahse A ri hrepha tan chuan a ri hian hun a hril ve thin khawp mai.

eszet said...

kan u zara zarah sec'bd clock tower hi a lo namai lo hle tih te kan lo chhiar zau phah a a bengvar thlak thrin eeeee!! ;)

權選 said...

good~ keep sharing with us, please....I will waiting your up date everyday!! Have a nice day........................................

azassk said...

eszet:lalbebtei a fel ber!
權選: thanks for your comment